Ֆուտբոլի Իսպանիայի Պրիմերայի 26-րդ տուրի խաղային նախավերջին օրվա շրջանակներում արդեն ավարտվել է 3 հանդիպում:

Սեփական հարկերի տակ հաղթանակներ են տարել Մադրիդի "Ատլետիկոն եւ "Էսպանյոլը": Մադրիդցիները 2-0 հաշվով պարտության են մատնել "Գրանադային", իսկ կատալոնացիները 5-1 հաշվով ջախջախել են "Ռայո Վալյեկանոյին":

Մրցաշարային աղյուսակի երրորդ դիրքում ընթացող "Վալենսիան", նույնպես, իր հանդումն անցկացրեց սեփական հարկի տակ` ընդունելով "Մալյորկային": Առաջին խաղակեսում "չղջիկները" երկու անպատասխան գնդակ ուղարկեցին մրցակցի դարպասը եւ այդպիսի հաշվով գնացին ընդմիջման: Սակայն երկրորդ կեսում հյուրերին հաջողվեց հավասարեցնել հաշիվը: Հանդիպումն ավարտվեց ոչ-ոքի` 2-2 հաշվով:

ՎԱԼԵՆՍԻԱ - ՄԱԼՅՈՐԿԱ` 2-2

1-0 - Տինո Կոստա (23'), 2-0 - Արից Ադուրից (42'), 2-1 - Էմիլիո Նսուե (57'), 2-2 - Վիկտոր (66'):