Մադրիդի «Ռեալը» արդեն երկրորդ անընդմեջ ոչ-ոքին է խաղում: Այս անգամ թիմը չի կարողանում կոտրել «Վիլյառեալի» դիմադրությունը՝ մրցակցի դաշտում խաղն ավարտելով 1-1 հաշվով: Խաղը ստացվեց նախորդի պես. թիմը հաղթում էր երկար ժամանակ, սակայն խաղավարտին մոտ գնդակ ընդունեց դարպասը, այն էլ նույնպիսի՝ տուգանային հարվածից: «Ռեալից» միակ գոլի հեղինակ դարձավ Ռոնալդուն: Հավելենք նաև, որ «Արքայական» ակումբի կազմից մեկը մյուսի ետևից հեռացումներ եղան: Նախ՝ թիմի մարզչական շտաբից, ապա՝ Մոուրինյոն, Ռամոսը, Օզիլը... Նաև դեղին քարտերի տարափ տեղաց: Ամեն դեպքում, անկախ մրցավարի որոշման իրավ լինելու հանգամանքից, մրցավարը խաղի թելը ոչ միայն բաց էր թողել, այլև կորցրել էր ամբողջությամբ՝ ֆուտբոլիստներին ու խաղը, ընդհանրապես, թողնելով բարձիթողի վիճակում: Հիմա արդեն կատալոնական ակումբը ետ է մեզանից 6 միավորով: Կարելի է ասել՝ ամեն ինչ դեռ առջևում է...