Պույոլն ու Տիագոն չեն մասնակցի Լևերկուզենի Բայերի դեմ խաղին: Գվարդիոլան ընդհանուր առմամբ 20 ֆուտբոլիստ է հայտավորել:
Ինչպես ընդունված է, Չեմպիոնների լիգայի հերթական տնային խաղից առաջ Խոսեպ Գվարդիոլան որոշել է թիմին հավաքել միևնույն հյուրանոցում: Այդպիսով, մարզմանը մասնակցած 20 խաղացողները (առաջին թիմի 14 ֆուտբոլիստներն ու Մունյեսան, Մոնտոյան, Բարտրան, Դոս Սանթոսը, Ռոբերտոն, Տելյոն Բարսա Բ - ից) կգիշերեն միևնույն հյուրանոցում, որտեղ կսպասեն հանդիպման մեկնարկին:
Կարլես Պույոլը վնասել է ձախ ազդրի մկանն ու չի կարողանա խաղալ: Հանդիպմանը չի մասնակցի նաև Տիագոն, ով շարունակում է ապաքինվել վնասվածքից:
|