Ռեալի» դարպասապահ Իկեր Կասիլյասը վստահեցրել է, որ «Արքայական ակումբում» դեռ չեն կարծում, թե ապահովել են Լա Լիգայի չեմպիոնի տիտղոսը:
«Թիմում ոչ ոք չի մտածում, թե չեմպիոնի տիտղոսն արդեն մերն է: Առջևում դեռ 11 խաղ կա», - ընդգծել է Իսպանիայի հավաքականի դարպասապահը:
Նախորդ հանգստյան օրերին մադրիդցիները «Մալագայի» հետ խաղի ավարտին բաց թողեցին հաղթանակը (1:1), ինչն էլ թույլ տվեց կատալոնացիներին կրճատել միավորների տարբերությունը:
«Ատում եմ, երբ բաց եմ թողնում խաղի ավարտին, սակայն պետք չէ դա ողբերգության վերածել, - կարծում է Կասիլյասը, - պետք է պատրաստվեմ նոր խաղին, որն ավելի բարդ է լինելու: «Վիլյառեալի» ֆուտբոլիստներն ամեն ինչ կանեն դուրս մնալուց խուսափելու համար, սակայն մենք ևս ցանկանում ենք հաղթական սերիա սկսել»: