Բրիտանական Daily Mail պարբերականը տեղեկացնում է, որ Մադրիդի "Ռեալի" գլխավոր մարզիչ Ժոզե Մոուրինյոն պատրաստ է նոր պայմանագիր կնքել "Արքայական ակումբի" հետ:
- Պատրաստվում եմ նոր պայմանագիր կնքել "Ռեալի" հետ: Ցանկանում եմ անունս գրել ակումբի պատմության մեջ: Ինձ նման մարզչի համար այսպիսի ակումբի մասը լինելն անմոռանալի փորձ է: "Ռեալն" աշխարհի մեծագույն ակումբներից մեկն է եւ ես երջանիկ եմ, որ աշխատում եմ այստեղ: Զգում եմ, որ այստեղ ինձ հավատում են: Ակումբի տնօրենները եւ երկրպագուները լիովին աջակցում են ինձ: Իմ ապագան տեսնում եմ այստեղ` "Ռեալում", եւ ցանկանում եմ նրա հետ հասնել նոր բարձունքների ու նվաճել նորանոր տիտղոսներ, - հայտարարել է 49-ամյա մասնագետը:
Ժոզե Մոուրինյոն "Ռեալ" է տեղափոխվել 2010թ.-ին եւ նվաճել է Իսպանիայի Արքայական գավաթը, որը գրանդ ակումբի համար "անհասանելի" է եղել 18 տարվա ընթացքում: Ներկայումս Մոուրինյոյի թիմը գլխավորում է Իսպանիայի Պրիմերայի մրցաշարային աղյուսակը` "Բարսելոնային" գերազանցելով 10 միավորով: