Իսպանացի մրցավար Իտուրալդե Գոնսալեսն ալյևս չի սպասարկի ազգային առաջնության հանդիպումներ, տեղեկացնում է Իսպանիայի ազգային ռադիոն:
Կարիերայի վաղաժամ ավարտի համար պատճառ է հանդիսացել մրցավարի ֆիզիկական վիճակը, որը բարդացել է Իսպանիայի առաջնության 27-րդ տուրի «Բետիս» – «Ռեալ» (2:3) հանդիպման ժամանակ ստացած վնասվածքից հետո:
Նշենք, որ Գոնսալեսը պետք է կարիերան ավարտեր այս մրցաշրջանի ավարտից հետո, քանի որ փետրվարի 20-ին նա դարձել է 45 տարեկան:Իտուրալդե Գոնսալեսը Պրիեմարայի հանդիպումներ է սպասարկել 1995-ի սեպտեմբերի երեքից:
Նա սպասարկել է 291 խաղ, որոնցում ցույց է տվել 1647 դեղին և 118 կարմիր քարտ: