Մադրիդի «Ռեալի» արգենտինացի հարձակվող Գոնսալո Իգուաինը խոսել է Չեմպիոնների լիգայի 1/8 եզրափակչի ԲԿՄԱ-ի հետ կայանալիք պատասխան հանդիպման մասին:
«Այժմ ես չեմ խոսի իմ ապագայի մասին, քանի որ «Ռեալի» խաղացող եմ և մոտակա 4 ամիսների ընթացքում պետք է կենտրոնանամ թիմի խաղի վրա: Կանեմ ամեն ինչ, որ օգնեմ «արքայական ակումբին»:
«Բետիսի» հետ հանդիպումը շատ ծանր ստացվեց, կարևոր է, որ կարողացանք հաղթանակ տանել: Այժմ պետք է կենտրոնանանք ԲԿՄԱ-ի հետ խաղի վրա»,- ասել է Իգուաինը' «Ռեալի» պաշտոնական կայքին:
«Ռեալ» - ԲԿՄԱ հանդիպումը տեղի կունենա մարտի 13-ին, Երևանի ժամանակով 23:45-ին: