Եվրոպա լիգա. 1/8 եզրափակիչ. Մանչեսթեր Յունայթեդը դրամատիկ պայքարում զիջեց Ատլետիկին
Հեղինակ: Admin |
Եվրոպա լիգայի 1/8 եզրափակիչ առաջին հանդիպումներից առանձնանում էր Մանչեսթեր Յունայթեդ" - "Ատլետիկ" (Բիլբաո) հանդիպումը:
Անգլո-իսպանական դիմակայությունում շատերը ֆավորիտ էին տեսնում "Յունայթեդին", սակայն բասկերն "Օլդ Տրաֆորդ" էին եկել բոլորովին այլ մտադրությամբ: Իսպանացիներին հունից չգցեց նաև Ռունիի գոլը և նրանք շարունակեցին իրենց կամքը թելադրել դաշտի տերերին:
Արդյունքում, Ֆեռնանդո Լյորենտեն մինչև ընդմիջում հավասարեցրեց հաշիվը, իսկ ընդմիջումից հետո, իրոք տպավորիչ ֆուտբոլ ցուցադրող "Ատլետիկի" ֆուտբոլիստները, Օսկար Դե Մարկոսի ջանքերով առաջ անցան հաշվի մեջ:
Իսկ ահա խաղավերջում Սըր Ալեքսի թիմը եւս մեկ գնդակ բաց թողեց` այս անգամ Իկեր Մունյաինից և ընկավ շատ ծանր կացության մեջ: Ամեն դեպքում, մրցավարի կողմից ավելացված ժամանակում Ուեյն Ռունին անվրեպ իրացրեց նշանակված 11մ. հարվածը` պատասխան խաղից առաջ հույսեր պահպանելով մանկունյանցիների համար:
"Մանչեսթեր Յունայթեդ" - "Ատլետիկ"` 2-3 (1-1)
Ռունի 22, 90, Լյորենտե 44, Դե Մարկոս 70, Մունյաին 90:
