Վերջերս հայտնի դարձավ, որ «Բարսելոնայի» 32-ամյա պաշտպան Էրիկ Աբիդալը ստիպված է ենթարկվել լյարդի վիրահատության:
Սովորաբար լյարդի փոխպատվաստման համար հիվանդները ստիպված են լինում սպասել 4 ամիս, բայց կատալոնացի ֆուտբոլիստը սպասելու կարիք չունի, քանի որ նրա մանկության ընկերը, ում և ֆուտբոլիստի արյան խմբերը համընկնում են, համաձայնել է դոնոր դառնալ:
Ինչպես հաղորդում է Goal.com-ը, նրա ծանոթը Բարսելոնա կժամանի շաբաթ օրը և անհրաժեշտ բուժզննումներից հետո կնախապատրաստվի վիրահատության: