Ֆուտբոլի Իսպանիայի Պրիմերայի 26-րդ տուրի վերջին խաղում "Վիլյառեալը" սեփական հարկի տակ ընդունել էր "Խետաֆեին":
Երկու թիմերին էլ այս խաղում հաղթանակ էր անհրաժեշտ, քանի որ երկուսն էլ գնտվում են մրցաշարային աղյուսակի ստորին հատվածում եւ այնքան էլ հեռու չեն վտանգավոր գոտուց:
Հանդիպման հաշիվը շատ արագ բացեցին հյուրերը, սակայն ընդմիջման գնալուց անմիջապես առաջ "դեղին սուզանավին" հաջողվեց խփել պատասխան գնդակը: Երկրորդ խաղակեսում արձանագրվեց դարպասի եւս մեկ գրավում, որի հեղինակ դարձավ Աբդելազիզ Բարրադան` "Խետաֆեից":
Հենց այդ գոլն էլ որոշեց դիմակայության հաղթողին: "Խետաֆեն" առավելության հասավ 2-1 հաշվով եւ զգալիորեն բարելավեց մրցաշարային դիրքը:
ՎԻԼՅԱՌԵԱԼ - ԽԵՏԱՖԵ` 1-2
0-1 - Դիեգո Կաստրո (6'), 1-1 - Նիլմար (45', 11մ.), 1-2 - Աբդելազիզ Բարրադա (72'):