Տոն Բիլբաոյում՝ Ատլետիկը պարտության մանեց Մանչեսթերին:
Հեղինակ: Admin |
Մանչեսթեր Յունայթեդը» Բիլբաոյի «Սան Մամես» ստադիոն էր ժամանել վճռականությամբ՝ հետ բերելու սեփական հարկի տակ կորցրածը: Իսկ «Օլդ Տրաֆորդում» Սէր Ալեքսի թիմը պարտվել էր 2:3 հաշվով:
Բայց «Ատլետիկը» չէր պատրաստվում սեփական հարկի տակ փորձել պահպանել արտագնա խաղում ձեռք բերածը: Առաջին կեսում մի քանի վտանգավոր պահեր ստեղծելուց հետո ի վերջո Լյորենտեն հշաշք հարվածով բացեց հաշիվը: Բիլբաոյի երկրպագուները առաջին խաղակեսի վերջնամասում ևս մեկ անգամ ծափահարեցին Լյորենտեյին, սակայն այս անգամ փոփոխության ժամանակ, քանի որ վնասվածքը թույլ չտվեց Ֆերնանդոյին շարունակելու խաղը:
Երկրորդ կեսում իսպանական թիմը շարունակեց հրաշալի հանդես գալ և մի քանի գոլային պահերից օգտագործեց մեկը՝ Դե Մարկոսի ջանքերով: Խաղավարտից տասը րոպե առաջ Ռունին հեռահար հարվածով կրճատեց հաշվի տարբերությունը, սակայն երկու նոր գոլ խփելու ներուժ «ՄՅՈՒ»-ի մոտ չգտնվեց: