Բրազիլացի հայտնի հարձակվող Ռոնալդոն գտնում է, որ ներկայումս աշխարհի լավագույն խաղացողը «Բարսելոնայի» հարձակվող Լիոնել Մեսսին է, սակայն Ռոնալդոն վստահ է, որ «Սանթոսի» ֆուտբոլիստ Նեյմարը մոտ ապագայում կարող է գերազանցել արգենտինացուն, եթե տեղափոխվի Եվրոպա: Այս մասին տեղեկացնում է championat.com-ը:
«Այս պահին Մեսսին գերազանցում է մյուս բոլոր խաղացողներին: Այնուամենայնիվ Նեյմարը ապագայում կարող է ավելի լավը լինել: Սակայն դա տեղի չի ունենա, եթե Նեյմարը մնա «Սանթոսում»: Խնդիրն այն է, որ Բրազիլիայում հանդես եկող խաղացողները տեսադաշտից դուրս են»,-հայտարարել է «Ռեալի» նախկին հարձակվող Ռոնալդոն:
Հիշեցնենք, որ իսպանական ԶԼՄ-ները տեղեկատվություն էին տարածել այն մասին, որ «Բարսելոնան» արդեն «Սանթոսին» վճարել է տրանսֆերային արժեքի մի մասը: Նշվում էր, որ ֆուտբոլիստը կատալոնական թիմում իր ելույթները պետք է սկսի 2014թ. աշխարհի առաջնության ավարտից հետո:
