Մադրիդի «Ռեալը» պայմանագիր է ստորագրել 18-ամյա հարձակվող Խորխե Ֆրանկոյի հետ, ով հանդես է գալիս «Դեպորտիվո Դիասեզանոյի» երիտասարդական թիմի կազմում, հաղորդում է Marca-ն:
Աղբյուրի տվյալներով, հարձակվողին իրենց կազմում էին ցանկանում տեսնել' «Լիվերպուլը», «Ինտերը», «Բարսելոնան» և «Մանչեսթեր Յունայթեդը»:
«Ես միշտ երազել եմ խաղալ «Ռեալի» կազմում: Երբեք չէի կարող մտածել, որ այն մի օր կիրականանա»,- պատմել է ֆուտբոլիստը:
Հավելենք, որ Ֆրանկոն այս մրցաշրջանում իր հաշվին գրանցել է 26 գնդակ: