Արգենտինացու ներկայացուցիչը վստահեցնում է, որ «Ռեալը» 2011թ.-ին առաջարկ էր արել նրա համար, բայց «Նապոլիի» նախագահ Աուրելիո դե Լաուրենտիիսը մերժել էր այն:
Էզեկյել Լավեսին իտալական «Նապոլիում» հինանալի մրցաշրջան է անցկացնում, և իր մեծ դերն ունի թիմի հաջողությունների մեջ: Արգենտինացի հարձակվողը յոթը գնդակ է խփել Իտալիայի առաջնությունում և երկուսը՝ ՉԼ-ում, որտեղ «Նապոլին» հաջորդ փուլ անցնելու լավ հնարավորություններ ունի:
Ըստ ֆուտբոլիստի ներկայացուցչի՝ Էռնեստո Բրոնսետիի, շատ ակումբներ են հետաքրքրվում նրա ծառայություններով,որոնց շարքում է նաև «Ռեալը»:
«Քիչ ակումբներ կարող են վճարել նրա համար պահանջվելիք գումարը: Միգուցե «Չելսին», «Մանչեսթեր Սիթին», «Ռեալը» և «Մալագան»: Սակայն այս ակումբներից անցած տարի միայն «Ռեալի» կողմից է առաջարկ ստացվել»,-հայտարարել է Բրոնսետին "Radio Kiss Kiss”-ին:
Լավեսիի ներկայացուցչի խոսքերով «Նապոլին» մերժել էր «արքայական» ակումբի առաջարկը:
26-ամյա Էզեկյել Լավեսին «Նապոլի» էր տեղափոխվել 2007թ.-ին արգենտինական «Սան Լորենսոյից»: 2008թ. արժանացավ Պեկինի Օլիմպիական խաղերի ոսկե մեդալին, բայց չմասնակցեց 2010թ. Աշխարհի առաջնությանը:
