"Ռեալը" "Սանտյագո Բեռնաբեու" մարզադաշտում ընդունել էր "Մալագային", որը պայքարում է չորրորդ տեղի համար:
"Ռեալը" սեփական հարկի տակ առաջին կեսում հասավ հաջողության, երբ Ռոնալդուի փոխանցումը եզրափակեց Բենզեման: Երկրորդ կեսում "Ռեալը" բազմաթիվ պահեր ստեղծեց, սակայն նոր գոլ չխփեց, իսկ ահա հանդիպման վերջին րոպեին Կասորլան տուգանայինից հրաշք հարվածով հավասարեցրեց հաշիվը: "Ռեալը" կարևոր երկու միավոր կորցրեց "Բարսայի" հետ չեմպիոնական պայքարում:
Հետաքրքիր է, որ երկրորդ կեսում "Մալագայի" կազմում խաղադաշտ մտավ Ռուդ վան Նիստելռոյը: Ֆուտբոլիստ, ով իր լավագույն տարիներն անց էր կացրել "Արքայական ակումբի" կազմում: Նրան դիմավորեցին և ճանապարհեցին ծափողջույններով:
Ռեալ - Մալագա` 1:1 (1:0)
1:0- Բենզեմա՝ 35, 1:1- Կասորլա՝90: