Բրազիլիացի ծագող աստղ Նեյմարը կրկին իր հիացմունքն է հայտնել Լիոնել Մեսսիի խաղի վերաբերյալ: Նա խոստովանել է, որ արգենտինացու երկրպագուն է:
Նեյմարը, ով Լիբերտադորեսի գավաթի Ինտերնասիոնալի դեմ խաղում հեթ - տրիկի հեղինակ դարձավ, գովեստի խոսքեր է ասել Մեսսիի հասցեին, ով 5 գնդակ ուղարկեց Լևերկուզենի Բայերի դարպասը:
"Ես Մեսսիի ֆան եմ: Ցանկանում եմ, որ նա շարունակի պատմություն կերտել ֆուտբոլում և շատ գոլեր հեղինակի, որպեսզի ընդօրինակեմ այդ ամենը", - ասել է Նեյմարը O Globo - ին տված իր հարցազրույցում:
Արժե հիշեցնել, որ բրազիլիացին իր հիացմունքը Մեսսիի խաղին արտահայտել էր դեռ Աշխարհի ակումբային առաջնության եզրափակչից հետո, երբ ասել էր, որ "Մեսսին աշխարհի լավագույն ֆուտբոլիստն է, ես նրանից որոշ բաներ եմ ընդօրինակում":
