ՄՈՈՒՐԻՆՅՈ. «ՖՈՒՏԲՈԼԻՍՏՆԵՐԻՆ ԿՓՈԽԱՆՑԵՄ, ՈՐ ՄԻՆՉԵՎ ՎԵՐՋ ՆՎԻՐՎԵՆ ԽԱՂԻՆ»
Հեղինակ: Admin |
«Ռեալի» գլխավոր մարզիչ Ժոզե Մոուրինյոն Չեմպիոնների լիգայ 1/8 եզրափակիչ փուլի ԲԿՄԱ-ի դեմ պատասխան հանդիպումից առաջ պատմել է այն մասին, թե ինչ բարդություններ են սպասում մադրիդյան ակումբին առաջիկա խաղում:
«Ֆուտբոլն անկանխատեսելի է և դրանում է նրա հմայքը: Ի՞նչ դետալներ կարող են ազդել արդյունքի վրա: Ցանկացած թիմ կարող է հաղթել խաղում: Մենք պետք է ամենայն զգուշությամբ մոտենանք այս խաղին: ԲԿՄԱ-ն շատ ուժեղ ակումբ է: Բոլոր ռուսական թիմերը, իսկ մինչ այդ սովետական, լավ են պատրաստված ֆիզիկապես և լավ են գործում պաշտպանությունում: ԲԿՄԱ-ի դեմ ես խաղացել եմ «Չելսիի» և «Ինտերի» մարզչի կարգավիճակով, այնպես որ ես գիտեմ բոլոր դժվարությունները: Ես անպայման ֆուտբոլիստներին կփոխանցեմ, որ մինչև վերջ նվիրվեն առաջիկա խաղին: Իսկ եթե մեզ երկրպագուներն էլ աջակցեն, ապա դա լրացուցիչ խթան կլինի թիմի համար»,- ասել է Մոուրինյոն:
Հիշեցնենք, որ «Ռեալ» – ԲԿՄԱ հանդիպումը կկայանա մարտի 14-ին: Առաջին խաղն ավարտվել է 1-1 հաշվով: