Մեսսին պենտա - տրիկի շնորհիվ մի շարք ռեկորդային ցուցանիշներ արձանագրեց իր հաշվին, որոնք ներկայացնում ենք ստորև`
- Մեսսին Չեմպիոնների լիգայի (ինչ մրցաշարը ստացել է այս անվանումը) պատմության մեջ առաջին խաղացողն է, ով 1 խաղում 5 գոլ է հեղինակել:
- Լեոն Եվրոպայի ամենահեղինակավոր մրցաշարի այս փուլում 5 գոլ հեղինակած առաջին խաղացողն է պատմության մեջ:
- Չեմպիոնների լիգայի այս մրցաշրջանում արգենտինացին արդեն 12 գոլ է հեղինակել` ճիշտ այնքան, որքան նախորդ մրցաշրջանի ողջ ընթացքում:
- Վերջին անգամ Մեսսին Չեմպիոնների լիգայում` Նոու Կամպում, գոլ էր խփել 2011 թվականի մարտի 8 - ին, երբ կատալոնյան թիմը հաղթեց Արսենալին 3 - 1 հաշվով:
- Մեսսին ակումբի պատմության մեջ 2 - րդ խաղացողն է, ով եվրոպական մրցաշարում դառնում է պենտա - տրիկի հեղինակ: Նման հաջողության 1965 թվականի հոկտեմբերի 6 - ին հասել է Զալդուան:
- Այժմ Լեոյին միայն 7 գոլ է հարկավոր, որպեսզի դառնա Բարսայի բոլոր ժամանակների լավագույն ռմբարկուն:
- Արգենտինացին առաջին խաղացողն է, ով եվրոպական ամենահեղինակավոր մրցաշարում դառնում է պենտա - տրիկի հեղինակ` հանդես գալով իսպանական ակումբում:
- Այս մրցաշարի ողջ պատմության մեջ Մեսսին 11 - րդ խաղացողն է, ով 5 գոլ է հեղինակում 1 խաղում:
- Չեմպիոնների լիգայում արգենտինացին արդեն 49 գոլ է հեղինակել` հավասարվելով Ռեալի լեգենդ Ալֆրեդո դի Ստեֆանոյին:
- Այդ 49 գոլերից 25 - ը Լեոն խփել է Նոու Կամպում, 22 - ը` արտագնա հանդիպումներում, 2 - ն էլ` եզրափակիչներում:
- Միջազգային մրցասպարեզում` Բարսայի կազմում, Մեսսին 54 գոլ է հեղինակել: 49 - ը` Չեմպիոնների լիգայում, 4 - ը` ԱԱԱ - ում, 1 - ը` ՈՒԵՖԱ - ի սուպերգավաթում: