Իսպանիայի առաջնության 26-րդ տուրում կատալոնական «Բարսելոնան» հյուրընկալվելիս 2:0 հաշվով առավելության հասավ «Ռասինգի» նկատմամբ:

Երկու դեպքում էլ աչքի ընկավ հյուրերի ռմբարկու Լիոնել Մեսսին, ով առաջին խաղակեսում բացեց հաշիվը, իսկ երկրորդում անվրեպ իրացրեց Ֆաբրեգասի վաստակած 11 մետրանոցը: Այս դուբլի շնորհիվ Մեսսին ընթացիկ առաջնությունում խփած գոլերի քանակը հասցրեց 30-ի ու ռմբարկուների աղյուսակում ընթանում է 2-րդ տեղում: Իսկ առաջատարը Ռոնալդուն է, ով խփել է 32 գոլ:

4-րդ անընդմեջ հաղթանակից հետո «Բարսելոնան» 60 միավորով շարունակում է ընթանալ 2-րդ տեղում ու 10 միավորով ետ է մնում առաջատար «Ռեալից»:

Հաջորդ տուրում «Բարսելոնան» հյուրընկալվելու է «Սեւիլիային», իսկ «Ռեալը» սեփական հարկի տակ մրցելու է «Մալագայի» հետ: