Բարսելոնան արդեն աշխատում է թիմը հաջորդ մրցաշրջանից առաջ ամրապնդելու ուղղությամբ: Խորդի Ալբան կլինի առաջին ձեռքբերումը:
SPORT - ը մարտի 9 - ին հայտնել էր, որ Բարսելոնան արդեն համաձայնություն է ձեռք բերել Ալբայի հետ: Այս տեղեկությունն այսօր հաստատել է վալենսիական Informa Valencia պարբերականը, որը նաև բացահայտել է գործարքի մանրամասները:
Համաձայն վալենսիական այդ պարբերականի, Բարսելոնան 15 մլն եվրո կվճարի 23 - ամյա խաղացողի դիմաց և, կախված ֆուտբոլիստի հետագա ելույթներից, Վալենսիան, հնարավոր է, որ կատալոնյան թիմից ստանա ևս 3 մլն եվրո: Չնայած, որ գործարքը կարող է կայանալ մոտակա օրերին կամ նույնիսկ ժամերին, դրա մասին պաշտոնապես չի հաղորդվի մինչ մրցաշրջանի ավարտը:
