Կոպա Դել Ռեյի եզրափակիչը Բարսելոնայի և Ատլետիկ Բիլբաոյի միջև կայանալու է Վիսենտե Կալդերոնում` մայիսի 25 - ին, ճիշտ այնպես, ինչպես ցանկանում էր կատալոնյան ակումբը:
Վերջապես որոշում ընդունվեց: 2,5 ժամ տևած քննարկումներից հետո Իսպանիայի ֆուտբոլի թագավորական ֆեդերացիան (RFEF) հրապարակեց Կոպա Դել Ռեյի այս մրցաշրջանի եզրափակիչի օրն ու անցկացման վայրը:
Քանի որ ոչ մի կերպ չէր հաջողվում գալ ընդհանուր հայտարարի, RFEF - ը քվեարկություն է անցկացրել: Արդյունքում, 36 հոգի կողմ են եղել, որ եզրափակիչն անցկացվի Վիսենտե Կալդերոնում, 22 հոգի էլ քվեարկել են եզրափակիչը Լա Կարտուխա մարզադաշտում անցկացնելու օգտին:
Ինչպես նախապես հայտարարել էր Տոնի Ֆրեյխան, որպես բողոքի նշան, Բարսելոնան վերջնական որոշման կայացման ժամանակ ներկայացուցիչ չի ունեցել հանդիպման վայրում: Բանն այն է, որ ակումբը դժգոհ է այն բանից, որ, հնարավոր է, Պիկեի համար լրացուցիչ պատիժ սահմանեն:
Հիշեցնենք, որ Բարսելոնան և Ատլետիկ Բիլբաոն կողմ էին Կոպա Դել Ռեյի եզրափակչի նախապես նշանակված վայրին` Սանտիագո Բեռնաբեուին: Սակայն մադրիդցիները հրաժարվեցին ընդունել այդ խաղը, ինչի հետևանքով RFEF - ն ու 2 ակումբներն ընդհանուր հայտարարի չէին կարողանում գալ: Այդուհանդերձ, որոշում կայացվեց` Կոպա Դել Ռեյի այս մրցաշրջանի եզրափակիչը խաղը կկայանա Վիսենտե Կալդերոնում, մայիսի 25 - ին: