Մեսսիին մնացել է 1 գոլ նոր ռեկորդ սահմանելու համար
Հեղինակ: Arthur |
Բարսելոնայի» պաշտոնական կայքը հրապարակել է, որ Լիոնել Մեսսիին մեկ գոլ է բաժանում ակումբի բոլոր ժամանակների թոփ-գոլահար դառնալուց:
Այս ռեկորդն առայժմ պատկանում է Սեզար Ռոդրիգեսին, ում հաշվին գրանցված էր 235 գոլ: Սակայն ուսումնասիրությունները ցույց են տվել, որ կապտանռնագույնների բոլոր ժամանակների թոփ-գոլահարը մրցակցի դարպասն է ուղարկել 232 գնդակ:
Իսկ սա նշանակում է, որ Մեսսին, ով պաշտոնական խաղերում արդեն հասցրել է 231 գոլ խփել կատալոնական թիմի մարզաշապիկով, երեքշաբթի օրը երկրի առաջնության շրջանակներում կայանալիք «Գրանադայի» հետ հանդիպմանը կարող է հավասարվել Սեզարին:
Հարկ է նշել, Ռոդրիգեսի այս ցուցանիշը վերաբերում է միայն պաշտոնական խաղերին, իսկ ուղիղ ռեկորդը պատկանում է Պաուլինո Ալկանտարային, ով «Բարսայի» կազմում խփել է 369 գոլ 357 պաշտոնական և ընկերական խաղերում: